Esta é a historia dunha muller que de nena sufriu abusos por parte do seu padrasto e que reflexiona sobre o sentido da experiencia que lle tocou vivir. Sabe que nunca vai entender realmente que pasou, e aínda así segue buscando, coa distancia pacificadora dos anos pero coa rabia intacta. Pensar é como a loita dun samurái contra un monstro, e, para loitar contra os monstros do pasado e os novos monstros que aparecen no momento de ser nai, esta muller usa as armas coas que se formou: as armas da literatura.